شاہد خاقان کو پاکستانی وزیر پٹرولیم ہوتے ہوئے بھارت سے لاکھوں ڈالرز ملے.

پی ٹی آئی رہنما شہباز گل نے کہا ہے کہ شاہد خاقان کو پاکستان وزیر پٹرولیم ہوتے ہوئے بھارت سے لاکھوں ڈالرز ملے تھے۔

پاکستان تحریک انصاف کے رہنما شہباز گل نے سابق وزیراعظم شاہد خاقان عباسی پر بھارت سے پیسے لینے سے متعلق سماجی رابطوں کی ویب سائٹ ٹوئٹر پر اظہار خیال کیا ہے۔

پی ٹی آئی رہنما نے اپنے ٹوئٹ میں لکھا ہے کہ شاہد خاقان عباسی کو بھارت سے اس وقت لاکھوں ڈالرز ملے جب وہ پاکستان کے وزیر پٹرولیم تھے اور پاکستانی کرنسی میں‌ یہ رقم کروڑوں روپے بنتی ہے۔

شہباز گل نے مزید لکھا ہے کہ بینک کی ٹرانزیکشنز موجود ہیں اور میڈیا کو بھی دی گئی تھیں۔ یہ ہوتی ہے فارن فنڈنگ۔

پی ٹی آئی رہنما نے ٹوئٹ میں لکھا ہے کہ ن لیگ کہتی ہے کہ عمران خان نے 150 ڈالرز کے بدلے کشمیر بیچا، آپ نے کیا خود کو بیچا ہے؟

اپنا تبصرہ بھیجیں